ਸੋਨੇ ਦੀ ਇੱਟ ਬਾਬਲਾ !
ਤੇਰੇ ਹੱਥ ਫੈਸਲੇ ਦਿੱਤੇ
ਏਡੇ ਜ਼ੁਲਮ ਨਾ ਲਿਖ ਬਾਬਲਾ !
ਇਹ ਸੁਗਾਤਾਂ ਰੱਬ ਦਿੱਤੀਆਂ
ਮਾਏ! ਤੇਰਾ ਧੰਨ ਜਿਗਰਾ
ਧੀਆਂ ਵਿਹੜੇ ਵਿੱਚ ਦੱਬ ਦਿੱਤੀਆਂ
ਚਿੱਟਾ ਕੁੱਕੜ ਬਨੇਰੇ'ਤੇ
ਕਾਸ਼ਨੀ ਦੁਪੱਟੇ ਵਾਲੀਆਂ
ਨਾ ਘੱਲੋ ਮੌਤ ਦੇ ਡੇਰੇ 'ਤੇ
ਦੋ ਪੱਤਰ ਅਨਾਰਾਂ ਦੇ
ਧੀਆਂ ਦੇ ਹਸ਼ਰ ਦੇਖ ਕੇ
ਰੋਂਦੇ ਪੱਥਰ ਪਹਾੜਾਂ ਦੇ
ਇਹ ਕੀ ਕਹਿਰ ਕਮਾਈ ਜਾਂਦੇ ਓ?
ਰੱਖੜੀਆਂ ਕੋਣ ਬੰਨ੍ਹੂ ?
ਤੁਸੀਂ ਭੈਣਾਂ ਮਰਵਾਈ ਜਾਂਦੇ ਓ
ਜਿੰਦ ਨਿੱਕੀ ਜਹੀ ਵਗਾਹ ਮਾਰੀ
ਪੱਥਰਾਂ 'ਚੋਂ ਪਾਣੀ ਸਿੰਮਿਆ
ਧੀ ਜਾਂਦੀ ਨੇ ਧਾਹ ਮਾਰੀ
ਕੋਠੇ 'ਤੇ ਕਾਂ ਬੋਲੇ
ਬਾਪੂ ਸਾਨੂੰ ਜਿਉਣ ਦਵੀਂ
ਤੇਰਾ ਜੱਗ ਵਿੱਚ ਨਾਂ ਬੋਲੇ...
No comments:
Post a Comment