ਗੁਰਮਿੰਦਰ ਸਿੱਧੂ ਦੀਆਂ ਕਿਤਾਬਾਂ ' ਤਾਰਿਆਂ ਦੀ ਛਾਵੇਂ ' 'ਮੱਸਿਆ ਤੇ ਗੁਲਾਬੀ ਲੋਅ', 'ਬੁੱਕਲ ਵਿਚਲੇ ਸੂਰਜ'ਵਿਚਲੀਆਂ ਕਵਿਤਾਵਾਂ ਤੇ ਆਧਾਰਿਤ ਨਾਟਕ ' ਚਿੜੀ ਦੀ ਅੰਬਰ ਵੱਲ ਉਡਾਣ ' ਮਸ਼ਹੂਰ ਸਟੇਜ,ਟੀ.ਵੀ ਤੇ ਫਿਲਮ-ਅਦਾਕਾਰਾ ਅਨੀਤਾ ਸ਼ਬਦੀਸ਼ ਵੱਲੋਂ ਦੇਸ਼-ਵਿਦੇਸ਼ ਦੀਆਂ ਸਟੇਜਾਂ ਉੱਤੇ ਬੜੀ ਹੀ ਖੂਬਸੂਰਤੀ ਨਾਲ ਪੇਸ਼ ਕੀਤਾ ਜਾ ਰਿਹਾ ਹੈ।ਇਹ ਨਾਟਕ ਖੇਡਣ ਦੀ ਪ੍ਰੇਰਨਾ ਪੰਜਾਬੀ ਨਾਟਕ ਦੇ ਯੁਗ-ਪੁਰਸ਼ ਭਾਅ ਜੀ ਗੁਰਸ਼ਰਨ ਸਿੰਘ ਨੇ ਦਿੱਤੀ ਜਿਸਨੂੰ ਪ੍ਰਸਿੱਧ ਸ਼ਾਇਰ ਸ਼ਬਦੀਸ਼ ਨੇ ਆਪਣੀ ਕਲਪਨਾ ,ਕਾਵਿ ਕਲਾ ਤੇ ਹੁਨਰ ਨਾਲ ਬਹੁਤ ਹੀ ਪ੍ਰਭਾਵਸ਼ਾਲੀ ਨਾਟਕੀ ਰੂਪ ਦਿੱਤਾ।ਵੱਖ-ਵੱਖ ਅਖਬਾਰਾਂ ਵਿੱਚ ਛਪਦੀਆਂ ਰਿਪੋਰਟਾਂ ਦੱਸਦੀਆਂ ਨੇ ਕਿ ਇਹ ਨਾਟਕ ਦੇਖਦਿਆਂ ਅਕਸਰ ਲੋਕਾਂ ਦੀਆਂ ਸਿਸਕੀਆਂ ਸੁਣਦੀਆਂ ਨੇ ਤੇ ਅੰਤ ਤੱਕ ਪਹੁੰਚਦਿਆਂ ਕੁੜੀਆਂ ਨੂੰ ਤਕੜੀਆਂ ਕਰਕੇ ਅੱਤਿਆਚਾਰਾਂ ਨਾਲ ਜੂਝਣ ਦਾ ਜਜ਼ਬਾ ਉਹਨਾਂ ਅੰਦਰ ਪ੍ਰਬਲ ਹੋ ਉੱਠਦਾ ਹੈ
ਦਸੰਬਰ-11 ਤੱਕ ਇਸਦੇ ਕਰੀਬ 82 ਸ਼ੋਅ ਭਾਰਤ ਵਿੱਚ ਤੇ 6 ਸ਼ੋਅ ਇੰਗਲੈਂਡ ਵਿੱਚ ਹੋ ਚੁੱਕੇ ਹਨ।
No comments:
Post a Comment